Ráðgjafar Krabbameinsfélagsins veita ýmiss konar fræðslu, ráðgjöf og stuðning við fólk sem hefur greinst með krabbamein, aðstandendur þess og syrgjendur.

Ef fullbókað er á námskeið eða viðburð sem þú hefur áhuga á getur þú óskað eftir að komast á biðlista með því að senda okkur tölvupóst á netfangið radgjof@krabb.is eða hringt í síma 800 4040.

Krabbameinsfélagið býður upp á notalega stund í aðdraganda aðventu þar sem þátttakendur skreyta aðventukerti undir leiðsögn.
Leiðbeinandi er Guðrún Eiríksdóttir stofnandi Hjartastaðar.
Þátttökugjald er 2000 kr. 
Innifalið er fjögur kerti og allt til málunar og skreytingar.
Takmörkuð pláss í boði. 
Nánari upplýsingar á radgjof@krabb.is og í síma 8004040.


Aðventukertagerð-Hjartastaður

Default

Þátttakendur læra leiðir til að styrkja og efla seiglu og bjargráð með aðferðum jákvæðrar sálfræði og HAM (hugrænnar atferlismeðferðar).

Þegar við erum að takast á við þær áskoranir sem fylgja krabbameinsgreiningu, krabbameinsmeðferð eða eftirfylgni, er gott að geta gripið til hjálplegra bjargráða og verkfæra sem efla seiglu og sjálfstraust.

Námskeiðið er ætlað þeim sem greinst hafa með krabbamein og aðstandendum.
Námskeiðið er í tveimur hlutum, þriðjudagana 17. og 24. nóvember kl. 13:00 – 15:00 í húsnæði Krabbameinsfélagsins að Skógarhlíð 8, 1.hæð.

Leiðbeinandi er Katrín Sverrisdóttir, sálfræðingur Krabbameinsfélagsins. 

Vinsamlega athugið: Ef fullbókað er á námskeiðið getur þú sent okkur tölvupóst á netfangið radgjof@krabb.is eða hringt í síma 800 4040 og skráð þig á biðlista eða fengið nánari upplýsingar.

Þegar á reynir: Seigla og bjargráð - 2 skipti

Markmið þjálfun svengdarvitundar er að auka meðvitund um svengd og seddu.

Vinsamlega athugið: Ef fullbókað er á námskeiðið getur þú sent okkur tölvupóst á netfangið radgjof@krabb.is eða hringt í síma 800 4040 og skráð þig á biðlista eða fengið nánari upplýsingar.

Markmið þjálfun svengdarvitundar er að auka meðvitund um svengd og seddu, hlusta betur á líkamann. Að verða sáttari við matarvenjur sínar, jafnframt því að þær verða heilbrigðari. 
Ekki er fjallað um innihald, hollustu eða óhollustu matar en með því að æfa sig í þessari nálgun er liklegra að við veljum hollari fæðu. 

Námskeiðið verður í þremur hlutum fimmtudagana 19. og 26. nóvember og  3. desember kl. 13:00 til 14:30 í húsnæði Krabbameinsfélagsins, Skógarhlíð 8.  Ekkert þátttökugjald. 

Leiðbeinandi er Harpa Sigfúsdóttir, félagsráðgjafi hjá Krabbameinsfélagsins. 



Þjálfun svengdarvitundar - 3 skipti

Á námskeiðinu er fjallað um heilaheilsu og hvernig hugrænir þættir s.s. einbeiting, athygli, vinnsluhraði og minni hafa áhrif á okkar daglega líf.  Námskeiðið er ætlað þeim sem eru í krabbameinsmeðferð.

Markmið námskeiðsins er að þátttakendur öðlist þekkingu á hugrænum þáttum og hvaða hlutverki þeir gegna í okkar daglega lífi, öðlist betri innsýn í eigin hugræna styrkleika og veikleika ásamt því að læra leiðir til þess að þjálfa hugann. 

- Heilaheilsa og hugrænir þættir, s.s. einbeiting, athygli, minni, vinnsluhraði, félagsskilningur og áhrif þeirra á daglegt líf.

- Leiðir til að auka innsýn í eigin hugræna styrkleika og veikleika.

- Hugræn þjálfun með tölvuforritum

- Þátttakendur þurfa að hafa með sér spjaldtölvu eða snjallsíma og heyrnartól.

Námskeiðið er í fimm skipti, föstudagana 13. nóvember til 11. desember, kl. 14:00 – 15:00 í húsnæði Krabbameinsfélagsins Skógarhlíð 8. 

Ólína G. Viðarsdóttir hefur umsjón með námskeiðinu hún er með B.A. og kandidatspróf í sálfræði auk þess að hafa lokið doktorsprófi í líf- og læknavísindum. Í doktorsnámi sínu rannsakaði Ólína hugræna getu, og áhrif hugrænnar endurhæfingar á hugræna getu, líðan og færni í daglegu lífi.

Nánari upplýsingar er á radgjof@krabb.is eða í síma 800 4040. Ekkert þátttökugjald.

Heilaheilsa og hugræn endurhæfing ( 2/5 )

Snyrtinámskeið ætlað konum sem eru í krabbameinsmeðferð. Farið er í grundvallaratriði í umhirðu húðar og veittar leiðbeiningar um förðun.

Námskeiðið er eitt skipti og er haldið síðasta þriðjudag hvers mánaðar kl. 10:00 – 12:00, frá ágúst til nóvember. Það fer fram í húsnæði Krabbameinsfélagsins, Skógarhlíð 8, 1. hæð.

Leiðbeinandi er Kristjana Rúnarsdóttir, sérfræðingur frá Lancome.

Nánari upplýsingar með tölvupósti á radgjof@krabb.is eða í síma 800 4040. Ekkert þátttökugjald. 

Vinsamlega athugið: Ef fullbókað er á námskeiðið getur þú sent okkur tölvupóst á netfangið radgjof@krabb.is eða hringt í síma 800 4040 og skráð þig á biðlista.