Á námskeiðinu verður fjallað um hvernig áföll og langvarandi streita geta mótað heila og taugakerfi okkar. Vinsamlega athugið: Ef fullbókað er á námskeiðið getur þú sent okkur tölvupóst á netfangið [email protected] eða hringt í síma 800 4040 og skráð þig á biðlista eða fengið nánari upplýsingar. Þessi nálgun útskýrir vel áhrifin á líðan okkar en einnig viðbrögð við ýmsum aðstæðum í daglegu lífi.   Námskeiðið er ætlað þeim sem greinst hafa með krabbamein en markmið námskeiðsins er að þátttakendur geti aukið frið og vellíðan í daglegu lífi. Kynntar verða ýmsar leiðir til að styrkja taugakerfið, breyta gömlum mynstrum og auka vellíðan með nokkuð einföldum aðferðum. Hver tími endar á Jóga Nidra slökun og hljóðheilun þar sem legið er á mjúkum svampdýnum eða í hægindastól. Námskeiðið er í fjögur skipti, þriðjudagana 15., 22. og 29. september og 6. október, kl. 13:00 – 15:00 í húsnæði Krabbameinsfélagsins Skógarhlíð 8. Ekkert þátttökugjald. Leiðbeinandi: Lóa Björk Ólafsdóttir, hjúkrunarfræðingur og ráðgjafi hjá Krabbameinsfélaginu.