Ég hef alltaf verið forvitin um það sem býr undir yfirborðinu – tengslin milli líkama, huga, tilfinninga og orku.

Hjartaheimar urðu til út frá þeirri löngun að skapa rými þar sem við megum hægja á okkur, anda og hlusta. Rými þar sem ekkert þarf að laga eða flýta, heldur bara gefa okkur sjálfum tíma til að vera.

Ég hef lært og starfað á ólíkum sviðum sem hafa öll kennt mér eitthvað um manneskjuna og lífið. Í dag sameina ég það sem ég hef lært í gegnum jóga, öndun og djúpslökun, vatnsmeðferð og Reiki-heilun.

Mér finnst sérstaklega fallegt hvernig ólíkar leiðir geta unnið saman. Stundum þurfum við hreyfingu og öndun. Stundum þurfum við að láta vatnið bera okkur. Stundum þurfum við einfaldlega að liggja kyrr og leyfa líkamanum að slaka á.

Ég trúi á visku líkamans og á mikilvægi þess að skapa rými fyrir hana. Markmiðið mitt er ekki að segja þér hvernig þú átt að vera, heldur að skapa öruggt og nærandi rými þar sem þú getur tengst þér á þínum eigin forsendum.

Verið velkomin í Hjartaheima.

Guðlaug Ósk Pétursdóttir

Einn og sami tíminn. Jóga hjá Hjartaheimum snýst um að koma heim í líkamann. Við vinnum með mjúka en markvissa hreyfingu, öndun og nærveru. Áherslan er ekki á að ná ákveðinni stöðu eða gera meira, heldur að hlusta á líkamann, losa um óþarfa spennu og skapa meira rými.

Við vinnum meðal annars með jóga í anda Raja- og Ashtanga-jóga, þar sem öndunin er rauði þráðurinn í gegnum tímann. Við notum Ujjayi-öndun í hreyfingum og gefum sérstakan gaum að því að mýkja kviðinn, fylla lungun, lengja hrygginn og leyfa mjöðmum og líkama að losna smám saman.

Öndunin fær sérstakt rými í tímunum — við lærum að nota hana meðvitað til að hægja á, skapa meiri nærveru og finna tengingu við líkamann.

Þessir tveir tímar í viku hverri eru orðnir kjarninn í starfinu mínu — fastur punktur sem þú getur alltaf treyst á, hvort sem þú kemur í fyrsta sinn eða í tíunda skiptið.

Nánar um öndunartæknina í tímanum:
Þreföld öndun — Dirgha Pranayama
Öndun þar sem við lærum að nota lungun til fulls og leyfum andardrættinum að verða hægari, dýpri og mýkri.

Ujjayi-öndun:
Mjúk og meðvituð öndun sem fylgir okkur í gegnum jógaiðkunina og hjálpar okkur að halda athyglinni inni í líkamanum.

Anuloma Viloma:
Víxlöndun þar sem andað er til skiptis um nasir. Hún er notuð til að hægja á, beina athyglinni inn á við og undirbúa okkur fyrir slökun og kyrrð.

Í lok tímans · Djúpslökun · Nidra:
Tíminn endar alltaf í djúpri slökun — Yoga Nidra — þar sem róleg og markviss leiðsögn fylgir þér í gegn. Athyglinni er beint inn í líkamann, að öndun og innri upplifun, og líkami og hugur fá að sleppa smám saman inn í dýpri hvíld.

Þú þarft ekkert að gera eða kunna — leggst einfaldlega niður, lokar augunum og fylgir leiðsögninni. Líkami og hugur fá að hægja á sér og sökkva smám saman inn í djúpa hvíld.

Hægðu á
Andaðu
Slepptu
Hvíldu

Jóga · Öndun · Djúpslökun í Bolholti 4

Default

20 tíma gjafabréf í jóga á 30% afslætti

10 tíma gjafabréf í jóga á 20% afslætti